Dr Jass - Marino Gardina

Wird Dir
aues zvöu,
machsch Du Dir Sorgä,
roubt Dir d'Ungwüssheit
dr Schlaf?
De dänk ganz ruhig
und mit Zueversicht
aues geit verbi im Läbä
das isch gwüss,
kei Sekundä chunnt zrüg das isch so bestimmt,
drum lass locker
und bis froh
das isch eifach so
dänk ganz ruhig
u mit Zueversicht
i 100 Jahr
si mir uf Wouchä 7
u machä ä Jass
uf dr Wouchä 7
u lachä übär diä Sorgä wo mir üs hei gmacht.
Hesch Du
dr Läckmär
de bis doch froh
aues geit ä mau verbi
da chasch sichär si,
dänk ganz ruhig
und mit Zueversicht
aues geit verbi im Läbä
das isch gwüss,
kei Sekundä chunnt zrüg das isch so bestimmt,
drum lass locker
und bis froh
das isch einfach so
dänk ganz ruhig
u mit Zueversicht
u lachä übär diä Sorgä wo mir üs hei gmacht.

Heidi Gardina